今日係好值得我寫日記既一日~~

唔經唔覺我已經開始習慣每日番工既工序~~

phoebe已經開始教我鏟毛喇~~

我可以做到全鏟狗~~做到基本沖涼狗~~

我好開心呀~我要繼續比心機~~^^

今日我如常番工做野~^^

唔知係咪因為天氣問題...冇咩野做

1點幾鍾...有個客book時間沖涼~當然就接左先喇~

book左時間既係一隻史納莎~~~

原本諗住沖涼...但最後改左鏟毛~~^^

哈哈~~~我知道左隻史納莎個名之後~好驚訝~^^

原來佢係我好耐冇見既 衛kobi~~

我終於見到佢喇~~我真係好開心呀~

我本身都唔肯定佢就係kobi~~不過,聽過同事既介紹..我就知道喇~

我冇諗過我可以見番kobi~~可能呢d就叫做緣份喇~

不過,真係有d可惜~我見唔到衛小姐~^^

其實我真係好想親口多謝衛小姐~

如果唔係衛小姐~~我就可能到依家都入唔到寵物美容呢行~

我真係好感激你,衛小姐~

kobi今次既美容大部分都係我負責~

我好開心...久別重逢既感覺真係好~~

最令我開心既...係kobi都好似認得我咁~

初初kobi都好不安咁..唔鍾意我接觸佢~

但到左中途,kobi既不安就漸漸消失..仲錫左我幾啖~~

哈哈~今日我覺得淨係呢件事都已經令我想打日記去紀念~~

番工遇到開心既事,番到屋企我都遇到開心既事~

我放工番到屋企...係網上面睇左幾集動畫~

再將一個值得同人分享既粵語動畫網站sd比wing wing 姐姐

wing wing 姐姐好開心~仲睇番好多以前想睇既動畫~~~

之後佢仲將個網站轉sd比佢bf睇~

連佢既bf都好開心~~真係好喇~~

我只係做一件好小既事,就已經令到身邊既人都開心~自己覺得好開心~

有時人既小小付出,其實就已經可以得到更多開心同歡樂~

既然大家都開心,何樂而不為~~

雖然我唔係神,冇能力做到好多大事~

但係..我信我係有能力令到身邊既人都會開心~

係我個心入面只要見到人地開心...我就滿足~

終於成功就業喇~~~!!

唔經唔覺我已經番左差唔多兩個禮拜工喇~~

番工既頭幾日真係有d唔慣~~^^

不過,好彩freebi好好人~~佢一直都好有耐性去教我野~

令我既壓力都唔算大~~佢又會我傾過計~~^^

我依家份工真係做得好開心~番工就好似玩咁~

freebi佢用左一個幾好既方法黎做野~~

佢會以遊戲方式去做野~同時又可以減輕狗狗受傷,有危險既機會~~

真係連階級觀念都做到最少~~~

例如: 會一齊玩遊戲,同樣佢都會放假,唔會擺起老闆娘格黎對同事,

大家既生活話題會拎出黎一齊傾,說笑話會一齊笑~~

所以我覺得係佢度做野,可以話係好開心~

就算係果日真係好多野做都好,放工都唔會覺得好累~

只不過,我可能學習能力比人地慢...所以到依家剪毛方面都仲未掌握得到...

但係我會繼續努力~~學好d野~~雖然,我既美容技巧只係好基本~~

但係好在,我由細細個就去開呢間寵物店~~~好多佢地賣既貨物都開以了解到~

所以可以係呢方面幫到多d~~

同果度既同事都可以相處得到~~雖然唔係相處得好耐~

但係都可以同 同事 wing wing姐姐傾到下計~

wing wing 姐姐佢既個性好特別...佢唔係好鍾意同人講野....

又唔多鍾意笑~初初我都驚驚地架~不過~~

我覺得只要我無論幾時都係開心咁笑~wing wing姐姐都一定會跟住我笑~~

因為一直以我都認為開心係會傳染~~

如果對住個成日笑既人..自己都會比對方既開心吸引~

之後就跟住一齊笑架喇~~^^

雖然我同佢既年齡有一定距離~~不過,我相信我終有一日可以同佢玩埋一齊~

大家再冇隔膜~可以咩都一齊做,一齊玩~

講完工事~~今次講下私事~~^^

呢排~屋企多左個住客~

佢係b仔既朋友~~因為某d原因..所以需要係度住~

其實我並唔討厭呢個朋友......

但係就係因為佢係呢度住...就令到我同b仔少左溝通...

好似冇左好多私人空間咁....

莫講話冇得傾計....就連做d親密少少既動作都唔方便做...

真係有d唔係咁開心~~放左工番黎....

諗住傾下計都唔方便....唉..

唔通真一收工就捉b仔同我出街傾計咩....

b仔都行唔開喇......佢又要招呼佢d朋友....有時唔只係得係度住既朋友..

仲有其他朋友都會上黎玩..食飯咁....

所以其實我真係有d難受.....唉....

不過都係算喇.....b仔一向都會以朋友為重....

我真係唔想做到咁過份...一定要男朋友只係理我一個...

我都應該係佢既角度諗下...冇可能唔理朋友..但係又唔可以唔理女朋友既感受..

其實佢都受到好大壓力~~所以我都唔會介意..佢唔理我一段時間既~

不過仍然都係果句...我唔介意,唔等於我鍾意~~=.="

聽日我要繼續工作~~要比多d心機做好份工...

因為搵到份好工一d都唔容易~~所以我就更加要珍惜佢~~

我要加油.....唔可以再令屋企人為我擔心...

我要開心~我要活得更充實~~~~~

呢排...心緒不寧.....

話咁快.....我個心已經唔見左5塊肉...

真係好唔開心....每次送走d肉...我都唔想去面對。

情願留係街度...都好過番屋企面對現實....

但到最後..始終都要番屋企...

每次番到屋企...望一望我班仔女....又少咁d...

真係好難受..好痛心...

到左夜晚...將忍左成日既痛苦化為悲傷一點一滴流出黎

我真係好辛苦....真係唔想再係咁,,,,

============================================

早排,有人搵我番工~~好開心~

我琴日第一日番工。

同老闆娘好好傾,傾左好多野~~

佢講左好多寵物店d野~有客人既事喇~有同事既野喇~

又有同我講過佢隻狗狗d野~又講過對某d野既睇法~~

最好既就係,我係佢度做野都冇壓力。

老闆娘佢人好好~佢一直都係表現得一d都唔似老闆娘~~冇階級之分咁。

所以我真係好開心~如果佢真係請左我~我諗..我唔會再走~~

番工又近,食d野又平,又熟路,人工都唔係差,番工又冇咩壓力

其實冇咩唔好~不過呢~~~暫時都係唔好同呀媽講住lu~

等我真係比人請左,先再同媽咪講喇~~

我要繼續努力學好d野~之後就可以跑狗lu~~

我要加油~不過,我最需要既都係醫好自己既心靈創傷先...

但係...我應該點做先好呢...

今日,我朝早同b仔去天水圍西鐵站.....係一早約好既交易。

親手送走左我三舊肉.....之後同b仔去左食野.....

食完野就番屋企...摺左d 3~

跟住,就同貴花出街......睇過佢既鼠鼠,發現佢心口腫起左,冇哂d毛。

之後就幫佢隻鼠,塗藥膏....仲同佢去左行街傾計~

之後就去左買送.....送埋貴花走...

跟住就番左屋企lu.....雖然好似好無聊.....但係總好過係屋企咁可憐。

聽日要番第二日工~~

我要好好同聽日一齊做野既同事好好相處~~好好學野~

如果我合格既~~我就可以好好做野喇~

唔洗再做失業大軍喇~~哈哈~~~~

始終都未能釋懷~~

雖然事件發生左已經有段時間。

但係我始終都係接受唔到個事實。

到底係我自己太執著定係件事影響得太深?

一直都係冇一日有心機....脾氣仲大左添。

前日,我約左嘉瑩同貴花一齊去食壽司~~

去左西九既明將度任食壽司~

大拆一頓~食左十幾碟壽司~~食到好濟~~哈哈~

同佢地傾左好多野~~開心~

番到屋企都仲飽緊~仲飯氣功心...訓左~

訓到零晨3點幾,醒左~見有d肚餓.....煮左個米粉食。

之後仲睇動畫睇到朝早8點又再去訓過。

琴日,貴花又黎同我去玩~~

首先係倍佢去左銀行整野...之後同佢去買野比姨姨食

買完野食番左屋企放底左先再出去~~~

同貴花食m記~~不過成日都無精神..可能太早訓喇~

同貴花傾左d心事,同睇法~發現大家都有類似既諗法~~

感情再進一步~~開心~

夜晚番到屋企~~又係玩電腦..睇動畫~~

12點到....b仔番黎~~

佢去完沙灘暴曬~之後仲曬傷左個背...

又紅又腫............幫佢塗左d藥膏..希望會好d喇

今日,我訓到晏晝2點幾...雖然訓得著..但係就係咁發夢..

根本就訓得唔好..

起左身叫左外賣食.....唔係咁好食..所以食唔曬...

6點幾同b仔出左去行街食野....不過發生左d事....

同b仔嘈左場交.......本來諗住買番件泳衣去游水架麻.....

結果咩到冇買就番左屋企.....真掃興.....

10點幾諗住同b仔睇動畫....點知總係睇唔成..

唔係佢唔開..就係佢睇電視...激死人....

另一件令人失望既事......

原本上兩個星期前....搵工果度..有人叫我試工既...

試工果度話..兩個星期後既今日再聯絡我傾d細節..

不過等左成日..都無收到佢既電話...

咁咪即係唔請....唉~~~~~

又再次加入失業大軍.....又係搵工既生涯喇.......好失望..

不過..我唔可以放棄.....我要努力d去搵..

我信,我終有一日可以搵到份長做既理想職業~~!

呢排都唔知撞咩癲.....d衰野係咁黎...

我由星期日放工之後開始,身體有d唔妥。

星期一,開始頭痛,本身以為只係作病,就去搵左d必理痛食。keep住幾個鍾一次,但都唔好番。

當日係 女麻女麻 生日,同 女麻女麻,伯娘,堂妹,我地4姊妹仲有媽咪一齊去左酒樓食飯慶祝。

過左好開心一晚。

星期二,本身約好左個fd一齊食飯,不過好唔好彩d病開始番發。當日既約定泡湯了..

番到屋企,發燒,發冷,左邊頭痛。仲夜猛猛去左屯門醫院睇急症。

醫生話我似偏頭痛,冇得醫....因為係壓力形成。打左枝止痛針,觀察1個鍾....

左頭痛減緩,然後醫生開左d藥就番左屋企‧

星期三, 定時定候食藥....仍然有輕微發燒..左邊頭痛,夜晚嘔過一次,朝早茵提出將鼠鼠送走。

星期四,都係食藥,情況有d好轉,但仍然頭暈 四肢酸軟;同b仔去左訂蛋糕提早過父親節,

星期五,仍然食藥,少少頭暈..手腳冇力..仲有肚痛..

夜晚同爸爸,女麻 女麻,妹,茵仲有湖食飯。

之後番屋企茵再提出將鼠鼠幾日內送走,提出三個原因

原因1:屋企外面維修開唔到窗,所以係d鼠攪到茵開始多病痛,有時呼吸困難,成日作嘔,

原因2: 醫生叫佢唔好養野,

原因3: 個妹冇好好照顧鼠鼠....

然後我提出1個方案及1個問題

方案1: 先帶走,過完呢排之後再番黎

問題1:養左鼠成十年,依家先話有唔舒服;

之後得到茵既幾句冷血說話

<你可以丟底d鼠,唔理我死活,就咁就去左人地屋企住>

<呢幾日之後,仲見到d鼠,我自己解決d鼠>

<我丟左d鼠,你再執番番黎,咁我走>

===============================

可見其實係我既親家姐間接迫我遺棄所有鼠鼠,我好不滿!

佢唔可以一口斷定係我d鼠鼠攪到佢病,唔可以係其他原因?

佢唔了解,我身邊根本冇幾個人可以幫我養d鼠,

佢唔了解,我唔想比d陌生人去養我d鼠

佢唔了解,我同d鼠鼠建立既深厚感情

佢唔會嘗試代入我既角色,了解我既感受,一味就只係覺得區區幾隻小動物何足掛齒

我明白家人比咩都重要,但係咪就係因為咁就可以咁容易遺棄曾經都比過歡笑大家既小動物

呢樣野,我做唔出,小動物都有感情....

由我帶佢番黎果刻,我已經成為佢既媽媽...試問有邊個媽媽會忍心捨棄自己既孩子。

我知家姐只會覺得我傻....我白痴....但係養寵物係我既嗜好。我既夢想係做一個負責任既主人....

時而至此,我既夢想已經破裂.....

我曾經反覆思量過......亦都為左呢件事掙扎左好耐.....

既然你係我家人,我只可以為左你放棄我d仔女...係我最痛最痛既抉擇

但係,我會恨你一世.....係你迫我到呢個地步。

星期六, 整晚都失眠.....換黎今朝劇烈既肚痛.....去左睇私家醫生。

醫生只講一句說話<好難解釋>,變相即係我個病冇得醫......